“Ес далан зургаа” сэтгүүлийн “Хэн юу гэв?” булан өдөр тутмын сонин хэвлэл, мэдээллийн вебсайтуудад нийтлэгдсэн ярилцлага, нийтлэлийг шүүрдэж, сонирхолтой ишлэлийг цуглуулдаг билээ.

Бид  хөрөнгө оруулалтын гэрээнд ажилласны төлөө ямар нэгэн урамшуулал авахгүй.

Би өөрийн өсч төрсөн дүүрэгтээ нэр дэвшсэн тул яагаад ч 300 хүний санал авсан байх ёсгүй.

Төр иргэдээ буудаж хөнөөчихөөд уучлал гуйхгүй байна.

Монголд болох [Louis Vuitton-ийн нээлтийн] ёслолд [Женнифер Лопес, Мадонна, Жастин Тимберлейк нарыг] оролцоно гэж байсан ч энэ удаад хойшилсон. Мадонна авгай (!?) Монголд очиж чадахгүй гэсний улмаас LV түүнтэй хийсэн гэрээгээ цуцлахаар “сүрдүүлсэн”…

Цагдаа ирэхэд би цээжээрээ нүцгэн байсан учраас хувцсаа өмсөхийн тулд цагдаагийн тавьсан шаардлагыг эсэргүүцэн цохисон нь үнэн. Гэмшиж байна.

Монгол орон маань жижигхэн. Ер нь залуу насандаа эх орныхоо нэрийг дэлхийн тавцанд гаргах хэрэгтэй гэж боддог. Тэгээд хөгшрөхөөрөө Монголдоо ирж амьдарвал сайхан юм болов уу.

Миний эмээ цайныхаа дээжийг өргөхдөө “Дөрвөд түмний заяа буян дэлгэрэг” гэж ерөөдөггүй байсан.  Харин “Монгол түмний минь заяа түшиг” л гэж залбирдаг байж билээ.

Би ямар морьтой зугаалж, хүүхэн унасан биш, тийм ээ.

“Зоос” банкны дампуурал нь гэнэтийн зүйл биш.

Хөрөг зураг бол сэтгэлгээний урлаг биш. Ямар ч утга агуулдаггүй.

Ц.Хулан өнөөдөр биеэ үнэлээд явж болох л байсан. Тэгэлгvй шүлэг бичээд явж байгаа нь авууштай.

Зээл авсан бүхнийг ад шоо үзээд байвал энэ Монголд чинь бизнес хийх хүн үлдэх юм үү.

Таван зуун жил хөдөө амьдарчихсан хүмүүс яаж тийм хурдан улаан, ногоон гэрэл цээжлэх юм бэ. Ядаргаа шүү дээ.

Дампуурсан комланийн хувьцааг авсан бол хохь нь. Тэр хүн өөрөө л авсан шүү дээ. Ямар бид авахуулчихсан юм биш.

Холбоотой нийтлэл: