Өчигдөр шөнө та хангалттай сайн унтаж чадсан уу? Өглөө сэрүүлэг дуугарахад арай хийж боссон юм биш биз? Эсвэл огт унтаж чадахаа байсан уу? Хэрэв та унтаж амрахыг хий дэмий цагийн гарз гэж боддог бол, хэрэв та өдөр болгон дутуу нойртой хонодог бол үүнийг заавал унш. Учир нь бүтэн шөнийн нойр таны бодож байгаагаас хавьгүй илүү чухал юм.
Арван жилийн багш маань, “Наполеон хоногт ердөө дөрөвхөн цаг унтдаг байсан гэнэ лээ, та нар яасан их нойртой юм” гэж загнадаг байж билээ. Үнэхээр ажилсаг, эрч хүчтэй хүмүүс бага унтдаг, харин залхуу, арчаагүй хүмүүс …
Цаг цөвүүн болжээ. Идэж уухаа хүртэл мэргэжлийн хүнээр тусгайлан заалгах ёстой болсон байна. Эрүүл хооллолтын талаар лекц уншиж, өндөр үнэтэй семинар зохион байгуулдаг этгээдүүд органик хүнс, био бүтээгдэхүүн, цагаан хоол, веган хувьсгал гэх мэт ойлгомжгүй нэр томъёогоор зогсоо зайгүй бөмбөгдөж, төгс гэгээрсэн их багшаар түрий барин эрүүл амьдрах хүсэлтэй гэнэн хонгоруудыг мунхруулж орхино. Тэд ч бас төгс гэгээрч, дотроосоо гэрэлтмээр байгаа. Эцсийн бүлэгт “гэр бүлийн зөвлөх”, “стресс тайлах багш”, “санхүүгийн зөвлөх”-өөс гадна “зөв хооллолтын багш”-даа мөнгө төлөх хэрэг гарна… Эрүүл хооллоно гэдэг тийм хэцүү гэж үү?
Дээхэн үед энэ байрыг “Ямбатны ягаан” гэж нэрлэдэг байж билээ. Үе үеийн сэхээтнүүд аж төрсөн буянтай газар. Зүлэг мод, сад талбай, гандсан гулсуур… цаг хугацаа огт яваагүй юм шиг. “Ес далан зургаа” сэтгүүл энэ түүхэн байранд амьдардаг нэгэн бүсгүйнд зочилсон юм. Тэр бол Ямбатны ягааны шинэ дүр төрх. Тэднийх маш цэгцтэй, замбараатай. Ганцаараа амьдардаг болоод ч тэр үү, илүү дутуу зүйлгүй, саруулхан.
Хүүхэд насанд хүргэж өгдөг галт тэрэг хэрвээ байдаг бол… гадаа тоглохгүй юу. Тэвэг өшиглөж, бөмбөгдөж, дээс тоглож, чиртаддаг байсан үе. Дурсамжийн дэвтэр дэх “ЯТОЛ” хэмээх бичиг. Түүнийг хичээнгүйлэн бичиж, тооны дэвтэрт улаан балаар зүрх зурсан тэр банди. Үнсэх төдийд ичингүйрэн балайрч, зугтаж орхисон тэр охин… Гадаа тоглох уу?
Хүн бүрт хобби бий. Зарим хүмүүс загасанд явдаг бол, зарим нь ямар нэг зүйл цуглуулдаг. Гэхдээ өөрийн сонирхлыг хобби гэж нэрлэдэг болохын тулд түүндээ үнэнч байх ёстой. Юм цуглуулвал цуглуулсан шиг цуглуулж, цуглуулсан эд зүйлсээ тоостой авдранд хав дарахын оронд бие даасан орчин, орон зайг бий болгох хэрэгтэй. Энэ удаад “Ес далан зургаа” сэтгүүл уран зураг, урлагийн бүтээл цуглуулах хоббитой нэгнийд зочилсон юм. Олон жил Монголд амьдарсан тэрбээр хоббигоо жинхэнэ утгаар нь амьдралынхаа хэв маяг болгожээ. Хаа сайгүй уран зураг, баримал, ном, гар хийцийн хивс, тавилга нь хүртэл гар хийцийнх. Гэр нь бүхэлдээ эзнийхээ сонирхол, итгэл үнэмшил, таашаалыг илтгэнэ.
