Хэд хоногийн өмнө төрийн албанд ажилладаг найзынхаа ажил дээр очсон юм. Ажлынхантайгаа Starcraft тоглож байсан найзыгаа хүлээх зуураа CD, DVD-ны цуглуулгыг нь эргүүлж суув. Билл Гэйтс ахын бүтээлээс авахуулаад Adobe, Corel гэх мэт өдөржин бичиг цаастай зууралддаг хүнд ямар хэрэг болдог нь тодорхой бус пират програмууд маш олон байлаа. Нөхрийн компьютерийг харвал нилээд хэдэн лицензгүй програм суулгасан байж таарав.

“Хэрэв бурхан гэж байдаг бол түүнийг Стив Жобс гэдэг” хэмээх онигоог IT-чид ярих дуртай. Apple-г супер брэнд болгож чадсан түүнийг бурхантай зүйрлэх нь зүй ёсны хэрэг ч байж мэднэ. Тэр ямар нэг бүтээгдэхүүн хийвэл төгс хийж, тултал нь сурталчилж чаддаг. 2001 онд гаргасан iPod нь хөгжмийн зах зээлд хувьсгал авчирсан төдийгүй Apple-ын нэр хүндийг суг өсгөсөн билээ. Ямар сайндаа хүмүүс MP3 тоглуулагч гэхээр шууд iPod гэж ойлгодог болох вэ. iPod-ыг нь шүтэж дуусаагүй байтал iPhone гараад ирсэн. Тухайн үед манайхан хүртэл iPhone-г 800 ам.доллараар булаацалдан авч, бахархалтай нь аргагүй барьж …

Микроблог төрлийн хамгийн амжилттай яваа сайтуудын нэг болох Твиттер.ком-ын Монгол хэрэглэгчид өдрөөс өдөрт олширсоор байгаа билээ. 140 тэмдэгтэд багтаан “Та юу хийж байна?” гэсэн асуултад хариулах учиртай энэхүү сайтад өөрийн профайл хуудсыг нээснээр санаанд орсон бүхнээ дэлхий нийтэд зарлан түгээж болох гэнэ. Твиттерийн профайлаа вебсайтаар, мессенжерээр болон гар утсаараа шинэчилж болдог нь сайтын хүртээмжийг нэмэгдүүлж, мессежээр харилцаж сурсан хүмүүсийг урвуулж чаджээ. Твиттерчид есөн шидийн сэдвээр бичдэг тул та тэндээс мэдээ, мэдээллээс авахуулаад хов жив, санаа оноо, хэрүүл, чаат буюу юу эсийг олох болно. Энэ утгаараа Твиттер бол мэдээлэл түгээх болон …

Тусгаар тогтносон улс болгон өөрийн гэсэн мөнгөн тэмдэгт гаргах эрхтэй ба түүгээрээ дамжуулан эдийн засгаа удирдаж, зах зээлийн харилцааг зохицуулж байдаг. Тийм ч учраас АНУ-ыг долларгүйгээр, БНХАУ-г юаньгүйгээр, Монголыг төгрөггүйгээр төсөөлшгүй. Гэтэл интернэтийн огцом хөгжлийг дагаад зарим нэг интернэт сайт болон цахим тоглоомууд өөрийн гэсэн мөнгөн тэмдэгтийг гарган хэрэглэгчиддээ санал болгох болжээ. Тухайлбал, Second Life хэмээх цахим тоглоом Линден доллар гэгдэх мөнгөн тэмдэгттэй. Линден долларын арилжаа хийгддэг LindeX хэмээх бирж хүртэл бий. Бодит мөнгөөр Линден доллар худалдан авсан хүмүүс тоглоомын орчинд гүйлгээ хийж, цахим үйлчилгээ, бүтээгдэхүүн худалдан авснаар тоглоомын баатар …

Улаанбаатар хот нэг хүнд ноогдох өндөр үнэтэй жийпийн тоогоороо дэлхийд тэргүүлдэг гэсэн цуу яриа бий. Хотын гудамжаар том, том Ланд, Лексус, Рэйнж Ровер нар сүлжилдэн давхилдахыг харахад энэ нь огт оргүй яриа биш болтой. Бензины үнэ тэнгэрт хадсан энэ үед импортын шатахуунд хатуу валют урсгасаар байх уу? “Ес далан зургаа” сэтгүүл бензин бага иддэг машин сонгохыг уриалахын сацуу шатахуунд хамгийн хэмнэлттэй автомашинуудыг онцолж байна.